Kung Paano Kita Naisulat Sa Aking Katawan
gracia perdiguerra, 020206
(pasintabi kay Jeannette Winterson)
Tumutulay ako sa mahabang linya
ng salitang itinutulak ng daliri
mula sa laman ng aking laman
iniuukit ang ikaw sa kamalayang
nananalamin sa magkadaop na dibdib
tinatahi ang dilang maglalapit
sa kaluluwa, sa pagtatalik ng diwa
at malayang pag-iisa sa ating kalawakan.
--
Reminds me of "Undertones".
--andoy
3 February 2006
No comments:
Post a Comment